Reseılik sarapshy: QR Prezıdentiniń 5 áleýmettik bastamasy - naǵyz halyqtyq joba

ASTANA. QazAqparat - "Qazaqstan Prezıdentiniń 5 áleýmettik bastamasy - naǵyz halyqtyq joba. Sebebi, onda kórsetilgen mindetterdiń barlyǵy qarapaıym turǵyndardyń turmysyn jaqsartýǵa arnalyp otyr".  Bul - reseılik sarapshylardyń pikiri, dep habarlaıdy Reseıdegi Qazaqstan elshiliginiń saıty.

Máskeý qalasynda ótken jıynda Elbasynyń 5 áleýmettik bastamasy jan-jaqty talqylandy. Mamandardyń aıtýynsha, jobada kórsetilgen qoljetimdi baspana baǵdarlamasy, shaǵyn nesıe berý, stýdentterge arnalǵan granttar men jataqhanalardyń sanyn kóbeıtý máselesi kóptegen TMD elderine, sonyń ishinde Reseı tarapyna da úlgi. Bul bastama sonymen qatar, Qazaqstandaǵy áleýmettik-ekonomıkalyq saıasattyń júıeli túrde júrgizilip kele jatqanyn kórsetedi.

«Prezıdenttiń 5 áleýmettik bastamasynda qarapaıym halyqtyń basym kópshiligi úshin mańyzdy máseleler kóterilip otyr. Máselen, baspana, bilim berý, shaǵyn nesıe jaıyna jurt beıjaı qaraı almaıdy, bul eldi biriktiredi. Munyń barlyǵy halyqtyń sapaly ómir súrýine baǵyttalǵan. Osynyń arqasynda halyqtyń turmysy jaqsarǵan saıyn ishki naryq ta jandanyp, ol keleshekte makroekonomıkalyq kórsetkishterge de oń áserin tıgizedi»,-deıdi Máskeý memlekettik halyqaralyq qatynastar ınstıtýty jahandyq problemalar ortalyǵynyń ǵylymı qyzmetkeri Kırıll Petrov.