Reseılik merdigerler «Báıterek» jobasynyń qunyn jeti eseden astam kólemde arttyrdy

ASTANA. 3 jeltoqsan. QazAqparat - Reseılik merdigerler «Báıterek» jobasynyń qunyn jeti eseden astam kólemge kóterip, 1,6 mlrd. AQSh dollaryna jetkizdi. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda QR Ulttyq ǵarysh agenttigi tóraǵasynyń orynbasary Meıirbek Moldabekov málim etti.

Jobanyń bastapqy quny 223 mıllıon dollarǵa baǵalanǵan kórinedi.

«Bul turǵyda reseılik qadamdar bizdi qatty oılandyrdy. Ekinshiden, Reseı dál osyndaı «Angara» zymyrandy-ǵaryshtyq keshenin «Vostochnyı» ǵarysh aılaǵynda salý sheshimin jasady. Árıne, bul baǵytta biz kórshiles elmen básekelese almaımyz. Sondyqtan da jobany jabý nemese osy máseleniń basqa jolyn tabý jaıynda oılandyq», - dedi M. Moldabekov.

Onyń sózine qaraǵanda, «Báıterek» jobasy boıynsha jumystar sonymen qatar reseılik tarap «Angara» zymyran-tasyǵyshyn ýaqytyly istemegennen keıin de toqtap qaldy.

«Jospar boıynsha ol 2008 jyly ushyrylýy tıis edi, alaıda bul zymyran osy kúnge deıin ushqan joq. Ázirge endi 2014 jylǵa josparlanyp otyr», - dep naqtylap ótti ol.