Reseılik ǵaryshkerler qazaqstandyqtardy Astananyń 20 jyldyǵymen quttyqtady

ASTANA. QazAqparat - Halyqaralyq ǵarysh stansasyna jasalǵan 56-shy ekspedıtsııanyń músheleri, reseılik ǵaryshkerler Sergeı Prokofev pen Oleg Artemev Qazaqstan Prezıdenti Nursultan Nazarbaevty jáne Qazaqstan jurtyn Astananyń 20 jyldyǵymen quttyqtady, dep habarlaıdy QazAqparat tilshisi. 

Aqordanyń baspasóz qyzmeti reseılik ǵaryshkerlerdiń Elordany 20 jyldyǵymen quttyqtaǵan beınejoldaýyn Facebook jelisine jarııalady.

«Qurmetti Nursultan Ábishuly, kórshiles Qazaqstan halqy, biz, Halyqaralyq ǵarysh stansasyna attanǵan 56-shy ekspedıtsııa músheleri, sizderdi Astananyń 20 jyldyq mereıtoıymen shyn júrekten quttyqtaımyz! Astana - erekshe kelbetimen kózge túsetin, kúnnen kúnge damyp kele jatqan ásem qala. Astana - jas, jigerli, maqsaty aıqyn jandardyń mekeni. Bul shaharda barlyq armandar oryndalady. Sizderge beıbitshilik pen ashyq aspan tileımiz. Ásem qala Astana gúldene bersin!», - dedi Oleg Artemev.

Sondaı-aq, ǵaryshkerler Elordada ǵarysh salasynyń damyp, Ulttyq ǵarysh ortalyǵynyń ashylǵanyna rızashylyqtaryn bildirdi. Buǵan - qazirgi tańda júrgizilip jatqan Ǵarysh apparatyn qurastyrý-synaý kesheniniń qurylysy dálel. Budan bólek, elimizde Jerdi qashyqtyqtan aldyn ala tekserý, baılanys jáne habar taratý júıeleri iske qosyldy.