Reseılik ǵalymdar jyldamdyǵy joǵary ushatyn tabaq qurastyrdy

ASTANA. QazAqparat - Jedel ushatyn tabaq Bıfeld Braýn ádisiniń kómegimen qurastyryldy. Bul elektr qýatynyń kómegimen kez kelgen nysannyń áýede qalqýyna múmkindik beredi. Ǵalymdar belgisiz ushýshy obektiniń qozǵalýy da osy ádispen tikeleı baılanysty ekendigin anyqtady. Bul jańalyqty 1929 jyly amerıkalyqtar ashty dep esepteledi, keıin ony jasyrǵan. Reseılik ǵalymdar ushatyn tabaq jasaý ádisin bilip, onyń maketin Máskeýde ótken NAUKA-2015 festıvalinde kórsetti.

Bul jańalyq kólik quraldaryn qurastyrý salasynda jańa múmkindikter ashady. Ushatyn tabaq alyp bolýy múmkin. Onyń uzyndyǵy ondaǵan jáne júzdegen kılometrge jete alady. Sonymen qatar ol bortyna kóp kólemde júkti syıdyra alady. Máselen, dıametri 400 kılometrlik tabaq qurastyrsa, onyń bortyna jerdiń barlyq turǵynyn syıdyrýǵa bolady.

Sonymen qatar, ǵalymdar bul apparat meteorıtterdi shegindirip, planetalardy, tipti galaktıkalardy jyljyta alatynyn aıtady. Ushatyn tabaqty arnaıy qarýmen ǵana qulatýǵa bolady. Qozǵaltqyshtyń jańa júıesi arqasynda ushatyn tabaqpen belgili bir jerge ádettegiden tez jetýge bolady. Máselen Marsqa onymen bir aıda ǵana jetýge bolady. Qazir bul sapardyń ýaqyty bir jyldy quraıdy.

Ǵalymdar ushatyn tabaqtardy jaqyn arada shyǵara bastaıtynyn aıtty. Óıtkeni oǵan RF Qorǵanys mınıstrligi qyzyǵýshylyq tanytty. Bir ushatyn tabaqty jasaý úshin shamamen úsh jyl ketedi, dep jazady planet-today.ru.