Reseılik baıqaýshylar Qazaqstandaǵy saılaý úderisiniń joǵary deńgeıde uıymdastyrylǵandyǵyn atap ótti

ASTANA. QazAqparat - Reseılik baıqaýshylar Qazaqstandaǵy saılaý úderisiniń joǵary deńgeıde uıymdastyrylǵandyǵyn atap ótti. Bul týraly búgin QR Parlamenti Májilisin saılaý barysyn baqylaýǵa kelgen sheteldik delegattardyń baspasóz máslıxatynda Reseı baıqaýshysy, TMD mıssııasynyń múshesi, RF Saıası zertteýler ınstıtýtynyń basshysy Sergeı Markov málim etti.

«Saılaý zańǵa jáne xalyqaralyq normalarǵa saı ótip jatyr. Barlyq úderis turaqtylyq jaǵdaıynda ótýde jáne bul óz kezeginde xalyqqa óz tańdaýyn erkin jasaýǵa múmkindik beredi», - dep atap ótti S.Markov.

Onyń aıtýynsha, saılaý ýchaskeleriniń azamattarǵa yńǵaıly qashyqtyqta ornalasqan. Sonymen qatar saılaýshylardy tirkeýge arnalǵan aqparattyq ortalyqtar da tıimdi jumys isteýde. Bul xalyqtyń daýys berý qoljetimdiligin arttyrady.

Aıta keteıik, QR Parlamenti Májilisiniń depýtattaryn saılaý barysyn baqylaýǵa 817 xalyqaralyq baıqaýshy men 147 sheteldik BAQ ókilderi kelip otyr.