Reseılik baıqaýshylar Almaty referendým ýchaskeleriniń daıyndyǵyn joǵary baǵalady
Lenıngrad oblysy saılaý komıssııasynyń tóraǵasy Mıhaıl Lebedınskııdiń aıtýynsha, referendýmda daýys berýge arnalǵan ýchaskeler jaqsy daıyndalǵan.
Aıta ketsek, halyqaralyq baıqaýshylar toby referendýmnyń 11 ýchaskesin tekserip úlgerdi.
«Biz munda TMD jáne Lenıngrad oblysy mıssııasynyń atynan keldik. Referendým ýchaskelerinde Qyrǵyzstannan kelgen áriptesterimizben kezdesip úlgerdik. Eki kún ishinde referendýmǵa daıyndyqtyń qalaı júzege asyp jatqanyn baqylap, birneshe ýchaskege, onyń ishinde Qazaqstannyń qazirgi Prezıdenti bitirgen mektepke, Ulttyq kitaphanaǵa jáne Qazaq ulttyq agrarlyq ýnıversıtetine baryp úlgerdik. Barlyǵy tehnıkalyq, stendter men saılaý qujattary daıyn boldy. Sizder belsendi daıyndaldyńyzdar dep oılaımyn», - dedi Mıhaıl Lebedınskıı.
Onyń aıtýynsha, Almatyda esepten shyǵarý talondary boıynsha daýys berý durys uıymdastyrylǵan.
«Bes saǵat ishinde 23 myńǵa jýyq qala turǵyny daýys berdi, bul - jaqsy kórsetkish. Biz bólinip, saılaý ýchaskelerine bardyq, qala turǵyndary tańǵy segiz jarymǵa qaraı belsendi túrde kele bastady. №25 mekteptegi saılaý ýchaskesin atap ótkim keledi. Sondaı-aq, biz bolǵan búkil ýchaskede múmkindigi shekteýli azamattar úshin jaǵdaı jasalǵan», - dedi spıker.
Lenıngrad oblysynyń jergilikti ózin-ózi basqarý, ultaralyq jáne konfessııaaralyq qatynastar komıtetiniń tóraǵasy Lıra Býrak barlyq ýchaskede qolaıly jaǵdaı jasalǵanyn atap ótti.
«Búgin siz elińizdiń bolashaǵyn tańdaısyz. Bul - aldaǵy ýaqyttyń ózindik rezervi bolmaq. Uıymdastyrý turǵysynan bári joǵary deńgeıde. Biz eshqandaı kemshilik anyqtaǵan joqpyz. Azamattardyń belsendiligi joǵary. Otbasymen, balalarymen birge kelip jatyr. Nátıje bizdi de, sizdi de qýantady dep oılaımyn», - dep qorytyndylady Lıra Býrak.