Reseılik áıel Atyraýda turatyn týǵan ápkesimen 40 jyldan keıin kezdesti
Oblystyq polıtsııa departamenti baspasóz qyzmetiniń aqparatyna qaraǵanda, 12 aqpanda Reseı Federatsııasynyń turǵyny týysyn tabýǵa kómek suraǵan.
«Reseıdiń Sankt-Peterbýrg qalasynda 1947 jylǵy áıel 40 jyl kórmegen týysyn izdep, Atyraýǵa kelgen. Alaıda, ol týysyn taba almaǵan. Sol sebepten polıtsııa qyzmetkerleriniń kómegine júgindi. Osyǵan baılanysty Atyraý qalalyq polıtsııa basqarmasynyń ýchaskelik polıtsııa ınspektorlary, polıtsııa maıory Samalbek Begalıev pen polıtsııa kapıtany Aron Kenjebekuly jan-jaqty tekserý jumystaryn júrgizdi. Sóıtip, Reseıden kelgen áıeldiń týystaryn taýyp berdi», -dep habarlady departamenttiń baspasóz qyzmeti.
Týysymen kezdesken reseılik áıel polıtsııa qyzmetkerleriniń jedel áreketine rızashylyǵyn bildirdi.
Ony jazbasha túrde oblystyq polıtsııa departamentine joldaǵan.
«Atyraý qalasynda týǵan apam turatyn edi. Bir-birimizdi 40 jyl boıy kórgen joqpyz. Baýyrǵa degen saǵynyshtyń jóni bólek. Saǵynyshty betpe-bet kezdespeı basý múmkin emes. Sol sebepten, apamdy izdep, Atyraýǵa keldim. Alaıda, onyń turatyn mekenjaıyn bilmeı, ábden jdtkerleri jedel áreket etip, meniń týystarymnyń mekenjaıyn taýyp, olarmen kezdestirdi. Shetel azamaty bolsam da olar meniń ótinishime atústi qaramaı, ózderiniń kásibı mindetin adal atqaratyna kýá boldym. Sharasyz janǵa qol ushyn sozǵan polıtsııa qyzmetkerleriniń jumysyna rızashylyǵymdy bildiremin», -dedi týystarymen kezdesken Reseı Federatsııasynyń turǵyny.
Eske sala ketelik, budan buryn Atyraýda joǵalǵan qyrǵyz qyzy 11 jyldan keıin tabylǵanyn habarlaǵan edik.
Foto: polisia.kz