Reseılik «Aeroflot» Qazaqstanǵa qaıtadan usha bastaıdy

ASTANA. QazAqparat – Aeroflot áýekompanııasy elimizdiń birneshe qalasyna turaqty áýe reısterin qaıta iske qosady, dep habarlaıdy QazAqparat.

1 aqpanda Aeroflottyń Airbus A320 ushaqtary Astana, Almaty jáne Atyraýǵa qatynaýdy qaıta bastaıdy. Bıletter ashyq satylymǵa shyqty.

Atalǵan avıakompanııa elordaǵa kúndelikti eki reıs, Almatyǵa úsh reıs jáne Atyraýǵa basynda eki reıs, naýryzdan bastap taǵy bir reıs qosýdy josparlap otyr.

Aqpanǵa deıin Máskeýden Qazaqstan qalalaryna áýe qatynasyn «Rossııa» (Aeroflot toby) kompanııasy júzege asyrady.

Áýe reısteri kestesimen Aeroflot kompanııasynyń saıtynda tanysýǵa bolady.

Bıletterdi brondaý jáne satyp alý resmı saıt, mobıldi qosymsha, aqparat jáne brondaý ortalyǵynyń táýlik boıǵy telefondary arqyly: [phone] (Máskeý), 8-800-444-5555 (Reseıge qońyraý shalý tegin), *555 (uıaly telefondar úshin) qyzmet alý múmkindigin bar.

Odan bólek, avıakompanııanyń jeke satý keńseleri men agentterge júginýge bolady.

Aeroflot - Reseıdegi eń iri áýekompanııa. Onyń quramyna «Rossııa» jáne «Pobeda» kompanııalary kiredi.

Foto: aeroflot.ru