Reseıge zańsyz áketip bara jatqan 6 tonna ishimdik tárkilendi
12:38, 11 Shilde 2017
ASTANA. Qazaqsparat - Qazaqstan-Reseı shekarasynda iri kólemdegi araq-sharap ónimderiniń zańsyz tasymaldaý anyqtaldy, dep habarlaıdy QR UQK baspasóz qyzmeti.
«Aqtóbe shekara otrıadyndaǵy «Jaısań avto» ótkizý nysanynyń jasaqtary 6 tonna spırttik ishimdik ónimderiniń tasymaldanbaqshy bolǵandyǵyn anyqtady.
Qazaqstannan Reseıge baǵyt alǵan 3 «GAZel» ustaldy. Júk kólikti tekserý kezinde áshkerelendi. Ár kólikten tıisti qujattary men taýar sertıfıkattary joq 250 qorap alkogol ónimderi tabyldy», - delingen habarlamada.