Reseıge Kım Chen Yn kele jatyr

MÁSKEÝ. QazAqparat – KHDR prezıdenti Kım Chen Yn Reseı memleketiniń basshysy Vladımır Pýtınniń shaqyrýymen jaqyn kúnderi Reseıge barady. Bul týraly Kremldiń baspasóz qyzmeti málim etti, dep habarlaıdy QazAqparat TASS agenttigine silteme jasap.

«Reseı prezıdenti Vladımır Pýtınniń shaqyrýymen Koreıa Halyq Demokratııalyq Respýblıkasynyń Memlekettik ister jónindegi tóraǵasy Kım Chen Yn taıaý kúnderi Reseı Federatsııasyna resmı saparmen barady», - delingen habarlamada.

Buǵan deıin Kım Chen Yn Reseıge 2019 jyldyń sáýir aıynda kelgen. Ol joly Reseı prezıdenti Vladımır Pýtınmen Vladıvostokta kelissóz júrgizdi.

Bul memleket basshylarynyń alǵashqy kezdesýi boldy.

Kóshbasshylar jeke-jeke de, delegatsııalardyń qatysýymen de áńgimelesti. Kelissóz sońynda eki el basshylary BAQ ókilderiniń suraqtaryna jaýap berdi.

Sonymen qatar, 2023 jyldyń shildesinde Reseı qorǵanys mınıstri Sergeı Shoıgý Phenıanǵa kelip, Kım Chen Ynmen kezdesti, oǵan Pýtınniń jeke habarlamasy men syılyǵyn berdi.