Reseıge barmaı qoıa turyńyzdar — Elshilik qyrǵyzstandyqtarǵa osyndaı keńes berdi

<p>ASTANA. KAZINFORM — Qyrǵyz Respýblıkasynyń Reseı Federatsııasyndaǵy Elshiligi Reseıge kirýge dáleldi sebepteri joq qyrǵyzstandyqtarǵa onyń aýmaǵyna barýdan ýaqytsha bas tartýdy usynady. </p>

Qyrǵyzstan Respýblıkasy Syrtqy ister mınıstrliginiń habarlaýynsha, usynymdar Reseı aýmaǵynda engizilgen qosymsha qaýipsizdik sharalaryn jáne shetel azamattarynyń memlekettik shekara arqyly ótýine baqylaýdy kúsheıtý rejımin jalǵastyrýǵa qatysty.

Qajet bolǵan jaǵdaıda Qyrǵyzstan azamattary elshilikten tıisti kómek nemese keńes ala alady.

Buǵan deıin Qyrǵyzstannyń Syrtqy ister mınıstrligi el azamattaryn qosymsha qaýipsizdik sharalary engizilgenshe jáne memlekettik shekara arqyly kirýdi kúsheıtilgen baqylaý rejımi joıylmaıynsha Reseıge barýdan ýaqytsha bas tartýǵa shaqyrǵan bolatyn.