Reseıge áskerı shlemderdi zańsyz áketpek bolǵan kúdikti ustaldy

QOSTANAI. QazAqparat – «Qaıraq» avtomobıl ótkizý pýnkti arqyly Reseıge áskerı shlemder men taktıkalyq rıýkzaktardy alyp ótpek bolǵan kólik júrgizýshisi ustaldy. Bul týraly Qostanaı oblystyq Memlekettik kirister departamentiniń baspasóz qyzmetinen málim etti, dep habarlaıdy QazAqparat tilshisi.

«Qostanaı oblystyq Memlekettik kirister departamenti men UQK Shekara qyzmetiniń birlesken áreketimen «Gazel» markaly kóliktiń júk bóliginen áskerı shlemder men taktıkalyq rıýkzaktar tabyldy. Tasymaldaý muqaba taýarlaryn qoldana otyryp júzege asyrylǵan. Taýarlarǵa ilespe qujattamada taýarlar týraly málimetter joq. Júgi bar kólik ótkizý pýnktiniń aýmaǵynda bolady. Taýarlardyń shyǵý tegin jáne áketýge qatysy bar tulǵalardy anyqtaý boıynsha sharalar qabyldanady», - dep málim etti quzyrly organnyń baspasóz qyzmetinen.

Departament dereginshe, mán-jaılar anyqtalǵan soń, bul áreketke qatysy bar adamdar jaýapqa tartylyp, júk memleket paıdasyna tárkilenedi.