Reseıǵarysh «Progress» kesheniniń apatqa ushyraý sebepterin atady

ASTANA. QazAqparat - Reseıǵarysh basshysynyń orynbasary Aleksandr Ivanovtyń tóraǵalyǵymen memlekettik komıssııa 2015 jylǵy 28 sáýirde Baıqońyr ǵarysh aılaǵynan ushyrylǵan «Progress» kóliktik-júk kesheniniń apatqa ushyraýynyń aldyn ala qorytyndylaryn usyndy.

Bul týraly Reseıǵaryshtyń saıtynda habarlandy.

Tutastaı alǵanda ushyrý jáne «Progress M-27M» kóliktik-júk kesheniniń «Soıýz 2.1a» zymyrantasyǵyshynan bólinýiniń 3-shi satysyna deıin shtattyq rejımde boldy. Ushýdyń 526,716 sekýndynda zymyrantasyǵyshtyń jáne keshenniń bólinýiniń 3-shi satysy shtattan tys rejımde boldy. Sonyń saldarynan korabl eseptik traektorııasynan aýytqyp ketti.

«Barlyq materıaldardy zerdeleı kelip, Memlekettik komıssııa músheleri kemeniń shtattyq emes jaǵdaılardyń oryn alýy saldarynan apatqa ushyraýy qýattalǵany týraly toqtamǵa keldi», - delingen habarlamada.

Memlekettik komıssııa jumysyn jalǵastyrýda. Ushyrýdyń apatqa soqtyrýynyń barlyq jaı-japsaryn túbegeıli anyqtaý tereńdete eseptik-teorııalyq zertteýler júrgizýdi, birqatar eksperımenttik jumystardy talap etedi. 13 mamyrdan bastap komıssııa músheleri zymyran-ǵaryshtyq tehnıkalaryn shyǵaratyn óndirýshi kásiporyndarda jumystaryn bastaıdy, bul arqyly apattyń barlyq yqtımal sebepterin anyqtaý jáne joıý kózdeledi.

Memlekettik komıssııa túpkilikti qorytyndyny 22 mamyrda jarııalaıdy.