«Reseıǵarysh» Qytaıdyń Mars pen Aıdy birlesip ıgerýge múddeliligin málimdedi

ASTANA. QazAqparat - Beıjiń Mars pen Aıdy jáne basqa da ǵalamsharlardy zertteý boıynsha jobalardy Máskeýmen birlese zertteýge múddelilik tanytýda, dep málimdedi «Reseıǵarysh» basshysy. Onyń aıtýynsha, taraptar zymyran tehnologııalaryn qorǵaý boıynsha shartqa qol qoıýǵa ázirleýde.

Reseılik jáne qytaılyq mamandar basqa ǵalamsharlardy zertteýde birlesken jobalardy talqylaýdy bastady, dep málimdedi jeksenbi kúni «Reseıǵarysh» memlekettik korporatsııasynyń basshysy Igor Komarov. Ol el tarıhynda alǵash ret kosmonoavtıka kúnin merekeleýge oraı Qytaıda júr, dep habarlady RBK.

«Biz basqa ǵalamsharlardy zertteý jónindegi birlesken jobalardy talqylaı bastadyq, ıaǵnı bizdiń EǴA-men birlesken marstyq jobamyzǵa qyzyǵýshylyq bar jáne biz qytaılyq áriptestermen bul máseleni talqylaýdamyz... Sondaı-aq Mars pen Aıdy zertteý salasyndaǵy yntymaqtastyq boıynsha belsendi jumys jasaýdamyz», - dep áńgimeledi Komarov.

​Onyń aıtýynsha, sonymen birge Máskeý men Beıjiń zymyran tehnologııalaryn qorǵaý shartyn belsendi talqylaýda, bul jóninde eki tarap tıisti qujattarǵa qol qoımaq. Komarov 2016 jyldyń jazynda-aq bul shartqa qol qoıylýy múmkin, dep sanaıdy.

«Taıaýdaǵy aılarda biz tehnologııalardy qorǵaý jóninde kelisim ázirleımiz. Qazir qujat joǵary dárejedegi daıyndyq satysynda», dep túsindirdi «Reseıǵarysh» basshysy. Komarovtyń aıtýynsha, bul shart zymyran dvıgatelderin jetkizý salasyndaǵy yntymaqtastyq úshin asa mańyzdy.