Reseıdiń Qazaqstannan benzın qoryn suraǵany ras pa

<p>ASTANA. KAZINFORM &ndash; QR Energetıka mınıstrligi Reseıdiń Qazaqstannan benzın qoryn suraǵany týraly aqparatqa pikir bildirdi.</p>

Buǵan deıin birneshe aqparattyq saıt, onyń ishinde álemdik Reuters agenttigi Reseıdiń Qazaqstannan 100 myń tonna kóleminde apattyq benzın qoryn qurýdy, qajet bolǵan jaǵdaıda ony jedel jetkizýdi suraǵanyn habarlaǵan edi. 

Mundaı ótinish Reseı munaı óńdeý zaýyttarynda jospardan tys kóptegen jóndeý jumystaryna baılanysty jasalǵan deıdi olar.  

«Qazirgi ýaqytta Reseı Federatsııasynyń Energetıka mınıstrliginen bizge mundaı suranys túsken joq. Sondyqtan aqparat rastalmaıdy», - dep jaýap berdi QR Energetıka mınıstrliginiń resmı ókili Shyńǵys Іlııasov. 

Aıta keteıik, elimizde munaı óńdeıtin úsh zaýyt bar.

Naýryz aıynda zaýyttarda benzın men dızeldiń 1,2 mln tonna qory jınaqtalǵan.