Reseıdiń qatysýymen Qazaqstanda 3 jylý elektr ortalyǵy salynady

<p>Reseı tarapynyń qatysýymen Qazaqstanda 3 jylý elektr ortalyǵy salynady. Bul týraly Qostanaıda ótip jatqan Qazaqstan men Reseıdiń XIX Óńiraralyq yntymaqtastyq forýmynda Premer-Mınıstrdiń orynbasary Serik Jumanǵarın aıtty, dep habarlaıdy Kazinform.</p>

«Ekijaqty qarym-qatynasty odan ary damytý baǵyttaryn talqylaý maqsatynda osy jyldyń 31 qazanynda úkimetaralyq komıssııa otyrysyn ótkizdik. Birqatar másele qarastyryldy. Máselen, Reseıden aǵash materıaldaryn jetkizý. Jyldyń sońyna deıin elimizge kesilgen aǵashtardy jetkizý úshin Qazaqstan-Reseı shekarasynda qosymsha temir jol ótkizý pýnktterin ashý mámelesi pysyqtalady», - dedi ol.

Sonymen qatar, vıtse-premer Qazaqstannyń temir keni shıkizatynyń aı saıyn tasymaldanýyn qamtamasyz etý múmkindigi de qarastyrylatyndyǵyn aıtty.

«Reseı tarapy Qazaqstanda 3 jyl elektr ortalyǵy jobasyn júzege asyrýǵa qatysady. Tıisti qujatqa búgin qol qoıamyz. Elder arasyndaǵy áýe baılanysyn da keńeıtemiz. Atap aıtqanda, Novosibir men Chelıabige QAZAQ AIR áýe reısteriniń sanyn arttyrýdy kelisemiz», - dedi Serik Jumanǵarın.