Reseıdiń bıdaı ımportyna tyıymy Qazaqstannyń BRIKS-ke kirýden bas tartýymen baılanysty ma

<p>ASTANA. KAZINFORM &ndash; QR Premer-Mınıstriniń orynbasary Serik Jumanǵarın Qazaqstannyń BRIKS-ke kirýden bas tartýyna baılanysty Reseı qazaqstandyq bıdaı ımportyn shektedi degen sheteldik BAQ-ta taralǵan aqparatty joqqa shyǵardy.</p>

«Bul jalǵan aqparat, múldem durys emes. Bul másele bizdiń deńgeıde tipti qarastyrylmaıdy», - dedi Serik Jumanǵarın Úkimet otyrysynan keıin ótken baspasóz máslıhatynda.

Eske sala ketsek, buǵan deıin Qazaqstan Respýblıkasy Prezıdentiniń keńesshisi – Baspasóz hatshysy Berik Ýálı Prezıdentke Qazaqstannyń BRIKS qurylymyna kirý múmkindigin qarastyrý týraly usynystar túskenin málimdegen edi. Memleket basshysy bul usynysty Qazaqstannyń ulttyq múddesi turǵysynan muqııat qarastyryp jatqany aıtyldy. 

«Qazaqstan BRIKS-tiń damý evolıýtsııasyn qyzyǵýshylyqpen muqııat baqylap otyr. Bizdiń elimiz osy qurylymnyń negizin qalaǵan memleketter basshylarynyń qandaı da bir alpaýyt derjavanyń gegemonııasynan azat, ádiletti ári demokratııalyq álemdik tártip qurý týraly bastamasyn qoldaıdy», - dedi Berik Ýálı.