Reseıdiń Atyraýmen shekaralas Astrahan oblysynda salmaǵy 78 keli qarbyz ósirildi

<p>ATYRAÝ. KAZINFORM &ndash; Reseı Fderatsııasynyń Atyraý oblysymen shekaralas Astrahan óńirinde salmaǵy 78 keli tartatyn alyp qarbyz ósirildi.</p>

Astrahan oblysy gýbernatory baspasóz qyzmetiniń málimetinshe, alyp qarbyz Kamıl Mamedov ózi jetekshilik etetin sharýashylyqta ósirgen. Sharýager Enotaev aýdanynda turady. 

«Astrahan oblysynda ótken agrofestıvalge 200-den astam sharýashylyq qatysyp, qarbyz, qaýyn sekildi baqsha daqyldaryn, ózge de aýyl sharýashylyǵy ónimderin usyndy. Aýyl sharýashylyǵy ónimderin kórip, dám tatýǵa 12 myń adam keldi. Qazylar alqasy 6 nomınatsııamen eń dámdi, eń sapaly qarbyz ben qaýyn ósirýshilerdi anyqtady. Bıyl Enotaev aýdanynda turatyn Kamıl Mamedov óziniń sharýashylyǵynda eń alyp qarbyzdy ósirip shyǵardy. «Karolına kross» sortty qarbyzdyń salmaǵy – 78 keli», - dep habarlady gýbernatordyń baspasóz qyzmeti.

Eske sala ketelik, buǵan deıin Atyraý oblysynda afrıkalyq jaıynnyń shabaǵy ósirilip jatqanyn habarlaǵan edik.