Reseıdiń Astrahan oblysynda bes adam belgisiz zattan ýlanyp óldi

<p>ASTANA. KAZINFORM &ndash; Tergeý organdary bes adamnyń belgisiz zattan ýlanyp ólýine qatysty qylmystyq is qozǵady. Bul týraly Astrahan oblysynyń Tergeý komıteti tergeý basqarmasynyń baspasóz qyzmetinen málim boldy, dep jazady reseılik <a href="https://tass.ru/proisshestviya/20754099" target="_blank" rel="noopener">TASS.</a></p>

«Bes adamnyń ólimine baılanysty RF Qylmystyq Kodeksiniń 109 baby, 3 bóligi boıynsha (abaısyzda eki jáne odan da kóp adamdy óltirip alý) qylmystyq is qozǵaldy»,- delingen habarlamada.

Astrahan turǵyndary óliminiń aldyn ala sebebi - belgisiz zattan ýlaný.

«RF TK Tergeý basqarmasynyń baspasóz qyzmeti sonymen qatar Astrahan oblysyna jaqyn ornalasqan qala men aýdandardyń 14 turǵynynyń aýrýhanaǵa jetkizilgenin habarlady. Olardyń 11-iniń jaǵdaıy aýyr jáne qazirgi ýaqytta aýrýhanada jatyr», - delingen habarlamada.

Tergeý organdarynyń nusqasy boıynsha, 2024 jyldyń 9-shy mamyry kúni Sovetskıı jáne Trýsovskıı aýdandarynyń birneshe jerinde jáne kólik ishinde 18 ben 40 jas arasyndaǵy áıelder men erlerdiń denesi tabyldy.

Aldyn ala málimet boıynsha, olardyń barlyǵy da esirtkin tutynǵan.