Reseıdiń ýlanyp kóz jumǵan jumysshylar sany 11 adamǵa jetti

ROSTOV-NA-DONÝ. TASS - QazAqparat – Reseıdiń Taganrog qalasy mańynda tazartý qurylǵylarynda jumys júrgizý barysynda bolǵan tótenshe jaǵdaı kezinde zardap shekken taǵy bir adam aýrýhanada kóz jumdy. Bul týraly qala ákimshiliginiń basshysy Andreı Lısıtskıı málim etti. Tótenshe jaǵdaı saldarynan qaza tapqandardyń jalpy sany 11 adamǵa jetti, dep habarlaıdy QazAqparat TASS agenttigine silteme jasap.

Taǵy bes adam Taganrog aýrýhanasyna jetkizildi.

«Taǵy bir adam aýrýhanada kóz jumdy», - dedi Andreı Lısıtskıı.

Qala ákimshiliginiń málimetterinshe, tórt adam reanımatsııada jatyr. Ákimshilik ókili naýqastardyń ómirine qaýip tónip turǵanyn aıtty.

Rostov oblysy Neklınovskıı aýdany Dmıtrıadovka aýylynda tazartý qurylǵylarynda jumys júrgizý barysynda jeti jumysker qaıtys bolǵany buǵan deıin habarlanǵan bolatyn.