Reseıdiń Omby qalasynda balalar 6 páterdi órtep jibergen
14:46, 20 Mamyr 2015
ASTANA. QazAqparat - Ombylyq jetkinshekter sireńkemen oınap júrip, birneshe shyrpyny jaǵyp, birinshi qabattaǵy balkonǵa laqtyrǵan. Saldarynan órt shyǵyp, alty páterge zardabyn tıgizdi, delingen búgin RF ІІM Omby oblysy boıynsha basqarmasynyń saıtynda.
«Kýágerlerdiń aıtýlary boıynsha tártip saqshylary 7 jáne 11 jas aralyǵyndaǵy tórt balanyń oınap júrip, birinshi qabattaǵy páterlerdiń biriniń balkonyna tutanǵan sirińkeni laqtyrǵanyn anyqtady», - delingen vedomstvo habarlamasynda.
Saldarynan balkondaǵy múlik otqa orandy. Keıin jalyn turǵyn úıge kóship, alty páterge zaqym keltirdi.
Oqıǵa ornyna kelgen órt sóndirýshiler tilsiz jaýdy aýyzdyqtady.
Qazir balalarmen jáne olardyń ata-analarymen kámelettik jasqa tolmaǵandar isi jónindegi ınspektor jumys istep jatyr.