Reseıdiń Novosıbırsk qalasynda turǵyn úıde gaz jarylyp, bes adam qaza tapty

ASTANA. QazAqparat – 9 aqpan kúni tańerteń Reseıdiń Novosıbırsk qalasynda Lıneınaıa kóshesinde ornalasqan turǵyn úılerdiń birinde gaz jaryldy. Bul týraly QazAqparat reseılik TASS aqparat agenttigine silteme jasap habarlaıdy.

Úı qulaǵannan keıin úıindiler astynan besinshi qurbannyń denesi tabyldy.

Buǵan deıin qaza bolǵan tórtinshi adamnyń denesi tabylǵany týraly habarlanǵan bolatyn. Derekkózdiń aıtýynsha, onyń esimin anyqtaý boıynsha jumystar júrgizilip jatyr.

Keıin Novosıbırsk oblysynyń densaýlyq saqtaý mınıstrligi bes adamnyń qaıtys bolǵanyn rastady. Qaıtys bolǵandar arasynda eki jasar bala da bar.

«Qaza bolǵandardyń biri – 40 jastaǵy áıel jáne 2 jasar bala», - dedi agenttik suhbat berýshi.

«Qazirgi ýaqytta úıindilerdi ashý jumystary jalǵasýda. 10 adamnyń taǵdyry belgisiz, onyń ishinde 3 bala bar», - dedi derekkóz.

Foto: tass.ru