Reseıdiń Mádenıet mınıstri Qazaqstannyń ІІ dárejeli «Dostyq» ordenimen marapattaldy

ASTANA. QazAqparat - Búgin Aqordada QR Memlekettik hatshysy Gúlshara Ábdiqalyqova Reseıdiń Mádenıet mınıstri Vladımır Medınskıımen kezdesti, dep habarlaıdy QazAqparat.

Kezdesý barysynda Ábdiqalyqova Qazaqstan men Reseı arasyndaǵy qarym-qatynas saýda-ekonomıkalyq, saıasat syndy barlyq salada, onyń ishinde mádenı-gýmanıtarlyq baǵytta da  qarqyndy damyp kele jatqandyǵyn basa aıtty.
 

«Eń aldymen QR Prezıdenti Nursultan Ábishuly Nazarbaevtyń tapsyrmasymen jaqsy bir mıssııany oryndap, sizge eki eldiń arasyndaǵy beıbitshilik, dostyq pen yntymaqtastyqty nyǵaıtýǵa sińirgen eńbegińiz úshin ІІ dárejeli «Dostyq» ordenin tabystaǵym  kelip otyr», - dedi Memlekettik hatshy.

Óz kezeginde Reseıdiń Mádenıet mınıstri Qazaqstannyń ІІ dárejeli «Dostyq» ordenimen marapattalýyn zor qurmet dep baǵalaıtyndyǵyn aıryqsha atap ótti.

«Eń aldymen QR Prezıdentine alǵysymdy bildiremin. Bul jeke meniń ǵana emes, búkil Reseıdiń mádenı qyzmetkerlerine berilip otyrǵan baǵa. Olar Qazaqstanǵa, Astanaǵa zor qulshynyspen keledi. Óıtkeni, bul el bizdiń jaqyn kórshimiz, baýyrlas halqymyz», - dedi Reseıdiń Mádenıet mınıstri.

Kezdesý sońynda QR Memlekettik hatshysy Gúlshara Ábdiqalyqova Reseıdiń Mádenıet mınıstrine zor densaýlyq, ıgilik jáne eki el arasyndaǵy mádenı-gýmanıtarlyq baılanystardy damytýdaǵy eńbegine tabys tiledi.