Reseıdiń keıbir ýnıversıtetteri «Bolashaq» boıynsha oqytatyn JOO-lar tizimine endi

NUR-SULTAN. QazAqparat - Reseıdiń jetekshi tehnıkalyq ýnıversıtetteri «Bolashaq» baǵdarlamasy boıynsha oqytatyn JOO-lar tizimine endi, dep habarlaıdy QazAqparat QR Bilim jáne ǵylym mınıstrligine silteme jasap.

Osylaısha, Bilim jáne ǵylym mınıstrligi Prezıdenttiń tapsyrmasyn oryndaý boıynsha tıisti jumystardy atqaryp jatyr. Tizimge barlyǵy 27 elden 200-den astam ýnıversıtet engizilgen. Endi tehnıkalyq baǵyttaǵy mamandardy daıarlaıtyn tizimge reseılik JOO-lardan N.E.Baýman atyndaǵy Máskeý memlekettik tehnıkalyq ýnıversıteti, «MIFI» Ulttyq zertteý ıadrolyq ýnıversıteti, M.V.Lomonosov atyndaǵy Máskeý memlekettik ýnıversıteti, Sankt-Peterbýrg memlekettik ýnıversıteti jáne Máskeý fızıka-tehnıkalyq ınstıtýty endi.

Sondaı-aq mınıstrlik qazirgi ýaqytta «MISıS» Ulttyq zertteý tehnıkalyq ýnıversıtetin jáne ITMO Ulttyq zertteý ýnıversıtetin tizimge engizý boıynsha jumys júrgizip jatyr.
«Bolashaq» aldaǵy ýaqytta aýqymyn basqa eldermen jáne ýnıversıtettermen keńeıtedi.