Reseıdiń Kamchatkasynda janartaý atqylaı bastady

ASTANA. QazAqparat – Eýrazııadaǵy eń bıik sanalatyn Klıýchevskaıa janartaýy atqylaı bastady, dep habarlaıdy QazAqparat.

Bul týraly reseılik TASS agenttigine Janartaýlardyń atqylaýyn baqylaıtyn kamchatkalyq toptyń (KVERT) jetekshisi, Reseı ǵylym akademııasy Qıyr Shyǵys bóliminiń Výlkanologııa jáne seısmologııa ınstıtýtynyń ǵylymı qyzmetkeri Olga Gırına habarlaǵan.

«Janartaýdyń jaı ǵana jarqyraýy emes, strombolııalyq tıptegi eń joǵary jarylǵysh atqylaý tirkeldi. Ázirge mundaı atqylaý eshkimge qaýipti emes: halyq úshin de, avıatsııa úshin de», - dedi Olga Gırına.

Klıýchevskaıa - kontınenttegi eń belsendi janartaý, onyń bıiktigi - 4750 m. Janartaýdyń sońǵy ret atqylaýy 2020 jyldyń qazan aıynda boldy. Eń jaqyn eldi meken - Ýst-Kamchatskıı aýdany, Klıýchı aýyly - janartaý baýraıynda, kraterden 30 km qashyqtyqta ornalasqan.