Reseıdiń Hakasııa repýblıkasynda qylmysker bir otbasynyń bes adamyn pyshaqtap óltirdi

ABAKAN. QazAqparat-TASS – Reseıdiń Hakasııa repýblıkasyndaǵy Shırın aýdanynda qarasty Jırım aýylynda bir otbasynyń bes adamyn qylmysker pyshaqtap óltirdi, dep habarlaıdy QazAqparat TASS agenttigine silteme jasap.

«Hakasııa Respýblıkasyndaǵy Shırın aýdanynyń Jırım aýylynda bir otbasyndaǵy bes adamnyń óltirilgeni týraly aqparat kelip tústi. Oqıǵa ornynda, jer úı aýmaǵynda áıeldiń, onyń kúıeýiniń, uly, kishkentaı nemere qyzy jáne kúıeýiniń aǵasynyń denesi tabyldy. Barlyǵyna jaraqat salynǵan.

RF Qylmystyq kodeksiniń 105-babymen (eki ne odan da kóp adamdy jáne kishkentaı balany óltirý) qylmystyq is qozǵaldy. Atalǵan qylmysty jasady degen kúdikke ilingen Shırın aýdanynyń buryn asa aýyr qylmys jasaǵany úshin sottalǵan 1985 jylǵy turǵyny ustaldy», - dep habarlady tergeý komıtetinen.

Qazirgi kezde qylmys bolǵan jerde tergeýshileri, krımınalıster, jedel qyzmetkerler jáne sarapshylardan quralǵan tergeý-jedel toby jumys istep jatyr.

Olar qanquıly qylmystyń barlyq mán-jaıyn anyqtaýǵa baǵyttalǵan keshendi tergeý sharasyn júrgizedi.