Reseıdiń Habarovsk ólkesinde áskerı bólimdegi jarylystan bir adam qaza tapty

HABAROVSK. TASS – QazAqparat - Jarylys Reseıdiń Habarovsk ólkesi Amýr aýdany Teısın kentinde áskerı bólimde boldy. Bir adam qaza taýyp, zardap shekkender bar. Bul týraly reseılik TASS agenttigi óńirdiń jedel qyzmetinen málim etken, dep habarlaıdy QazAqparat.

«Oq-dárilerdi túsirý kezinde dáriniń jarylýy saldarynan jeti adam zardap shekti, olar jeńil jaraqat alǵan. Taǵy bir adam qaza tapty», - dedi agenttik derekkózi.

Onyń málimetinshe, jarylystan keıin órt shyǵyp, ony sóndirgen.

Óńirdiń densaýlyq saqtaý mınıstrliginiń ókilderi zardap shekken eki adamdy kúıik shalǵanyn málim etti.

«Olar sanavıatsııamen aýrýhanaǵa jetkizildi, olardyń denesiniń 65% jáne 40%-yn kúıik shaldy», - dedi densaýlyq saqtaý mınıstrliginen.

Taǵy eki adamdy jeńil dárejede kúıik shalǵan. Olardy medıtsınalyq mekemege jetkizbegen, oqıǵa ornynda kómek kórsetken.

Teısın kenti Amýrdaǵy Komsomolskten ońtústik-shyǵysqa qaraı 82 shaqyrym qashyqtyqta ornalasqan. Kentte osy ataýmen atalatyn temirjol stantsııasy jáne áskerı bólim bar.