Reseıdiń Efremov qalasynda úıdiń kireberisi qulap, alty adam qaza tapty

TÝLA. TASS - QazAqparat –– RF Týla oblysy Efremov qalasynda bes qabatty turǵyn úıde gaz jarylyp, qaza tapqandar sany altyǵa jetti. Bul týraly reseılik TASS agenttigine Efremov ákimshiliginiń basshysy Sergeı Baltabaev málim etti, dep habarlaıdy QazAqparat.

«Taǵy bir áıeldiń máıiti úıindi arasynan tabyldy. Altynshy qaza tapqan adam bar», - dedi Baltabaev.

Bul aqparatty RF TK Óńirlik tergeý basqarmasynyń baspasóz qyzmeti de rastady.

«Qazirgi ýaqytta qaza tapqan alty adam týraly aqparat bar, olardyń arasynda úsh áıel men úsh er adam bar, oqıǵa ornynda apattyq-qutqarý jumystary júrip jatyr», - delingen baspasóz qyzmetiniń habarlamasynda.

Baspasóz qyzmeti atap ótkendeı, turǵyndardan, gaz qyzmetkerleri men basqarýshy kompanııadan jaýap alynǵan.

«Gaz qoldaný jabdyqtary shyǵarylyp jatyr. Órt-tehnıkalyq jáne basqa da sot saraptamasy taǵaıyndaldy», - delingen habarlamada.

Úıindi astynan jeti adam shyǵaryldy. Úsheýi aýrýhanaǵa jetkizildi.

Foto: MChS Rossıı po Týlskoı oblastı/ TASS