Reseıdiń Belgorod oblysynda oq-dári qoımasy órtendi
«Shamamen 03:35-te men jarylys sııaqty qatty dybystan oıandym. Osy habarlamany jazyp jatqanymda taǵy úsh jarylys boldy», - dep jazdy oblys gýbernatory Vıacheslav Gladkov Telegram arnasynda.
Keıinirek Gladkov naqtylaǵandaı, aldyn ala málimet boıynsha, Belgorod oblysyndaǵy Staraıa Nelıdovka aýylynyń mańynda oq-dári qoımasy órtke oranǵan.
«Men Golovınskıı aýyldyq eldi mekeniniń basshysy Denıs Zolotýhınmen jańa ǵana habarlastym. Aldyn ala málimet boıynsha, Staraıa Nelıdovka aýylynyń mańynda oq-dári qoımasy órtenip jatyr», - dep jazdy Gladkov.
Oblys gýbernatorynyń aıtýynsha, beıbit turǵyndar arasynda zardap shekkender joq. Sondaı-aq, turǵyn úıler men úılerdiń qıraýy tirkelmegen.
Osyǵan deıin Reseıdiń Brıansk qalasynda munaı bazasy órtengenin jazǵanbyz.
Sol kúni Reseıdiń Tver oblysyndaǵy ǴZI-dan da órt shyǵyp, 17 adam qaza tapqany jazyldy.