Reseıdiń 3 qalasynda Abaıǵa arnalǵan kórme ótedi
Jyl basynan beri Nur-Sultan, Pavlodar, Aqtóbe qalalarynda Abaıdyń ómiri men shyǵarmashylyǵyna arnalǵan kórme ótkizilgen. Bul jaıly «Jıdebaı-Bórili» memlekettik tarıhı-mádenı jáne ádebı-memorıaldyq qoryq-mýzeıiniń dırektory Jandos Áýbákir málim etti.
«Aldaǵy ýaqytta Almaty, Atyraý, Qyzylorda, Taldyqorǵan jáne taǵy basqa birneshe shaharda, sonymen birge Reseıdiń Novosibir, Omby, Barnaýl qalalarynda mýzeı qorynan kórme uıymdastyrylatyn bolady. Semeı qalasynda halyqaralyq ǵylymı-tájirbıelik konferentsııa ótkizýdi josparlap otyrmyz. Sondaı-aq Abaıdyń tańdamaly shyǵarmalarynyń 4 tildegi jınaǵy (qazaq, orys, qytaı, aǵylshyn), mýzeı týraly albom-kitap, býkletter daıyndalmaq», - deıdi ol.
Esterińizge sala ketsek, osyǵan deıin Abaı mýzeıi ekspozıtsııasyn jańǵyrtýǵa 250 mln teńge bólinetindigi habarlanǵan bolatyn.