Reseıden jetkizilgen et ónimderi gıgıenalyq talaptarǵa saı emes
Atalǵan vedomstvo Qazaqstanǵa jetkiziletin ónimderdiń qaýipsizdigine monıtorıng júrgizgen. Shara aıasynda «FınInvest» JShQ-nyń (RF) «Kotletnyı» tartylǵan etinen, «SPK Kýrnıkov» JShQ-nyń (RF) «Natýralnyı», «Krestıanskıı» tartylǵan etterinen, «Stavropolskıı broıler» JAQ-nyń (RF) broıler balapany qanatynan. «Mıkoıanovskıı mıasokombınat» JAQ-nyń (RF) - «Osobaıa so shpıkom» shujyǵynan synama alǵan. Tekserý nátıjesinde atalǵan ónimderdiń jalpy mıkrobtyq tuqymdaný kórsetkishi boıynsha gıgıenalyq normatıvter men tehnıkalyq reglamentter talaptarynyń buzylǵany anyqtalǵan.
«Qazirgi ýaqytta sapasyz ónimderdi ótkizýshilerge qatysty, onyń ishinde saýda nysandarynan sapasyz taýardy alyp tastaý boıynsha ákimshilik sıpattaǵy sharalar qabyldanyp jatyr. Dúken sórelerinde sáıkes kelmeıtin ónim anyqtalǵan jaǵdaıda komıtettiń meken jaıyna jazbasha jáne 8 /7172/ 74-26-97 telefon nómirine habarlasýǵa bolady», - dep atap ótedi vedomstvodan.