Reseıden jaǵarmaı jetkizý boıynsha biryńǵaı operator qurylady

ASTANA. QazAqparat - Reseıden jaǵarmaı jetkizý boıynsha biryńǵaı operator qurylatyn bolady. Bul týraly búgin «Nur Otan» partııasynyń Saılaýaldy tuǵyrnamasyn iske asyrý barysyna arnalǵan Úkimet otyrysynda QR Ekonomıka jáne bıýdjettik josparlaý mınıstri Erbolat Dosaev málim etti.

«Munaı ónimderiniń ımporttyq kóterme jetkizilimderin retteý jáne ishki naryqtaǵy turaqtylyqty qamtamasyz etý maqsatynda «QazMunaıGaz ónimderi» JShS Reseı Federatsııasynan munaı ónimderin jetkizý boıynsha biryńǵaı operator bolyp qurylatyn bolady»,- dedi mınıstr. Sonymen qatar, E. Dosaevtyń aıtýynsha, respýblıkanyń ishki naryǵyn molaılandyrý jáne munaı ónimderiniń negizgi túrleriniń baǵalaryn turaqtandyrý maqsatynda oblystar jáne Astana men Almaty qalalary boıynsha munaı ónimderin jetkizý kestesi bekitilýde, aı saıyn benzın men dızel otynyna shekti ruqsat etilgen baǵalar belgilenedi.