Reseıden zańsyz jolmen kólik ákelgender ustaldy

KÓKShETAÝ. QazAqparat - Aqmola oblysynda bir top azamat urlanǵan kólik quraldaryn tirkeý jáne satýmen aınalysqan, dep habarlaıdy QazAqparat.

Qarjylyq monıtorıng agenttiginiń óńirdegi departamenti 2020-2021 jyldar aralyǵynda Reseı Federatsııasynan Qazaqstanǵa zańsyz jolmen kólik quraldaryn ákelgen azamattardyń áreketin áshkereledi.

«Atalǵan azamattar aldyn ala kelisim boıynsha izdeýdegi kólikterdi Reseı Federatsııasynyń aýmaǵynda satyp alyp, keıinnen olarǵa jalǵan qujattar jasap, sonyń negizinde shekaradan is júzinde ótpeı Qazaqstan aýmaǵynda tirkegen. Qujattardy jáne memlekettik tirkeý nómirin alǵan soń, shekaradan ótip, satyp otyrǵan», - dep jazdy vedomstvodan.

Sot úkimimen úsh azamat 8, 7 jáne 6 jylǵa bas bostandyqtarynan aıyryldy (úkim zańdy kúshine engen joq).