Reseıden kóship kelgen ІT maman Qazaqstandaǵy ómirdiń oń-teris tustaryn aıtty

ASTANA. QazAqparat – BigData Team kompanııasynyń negizin qalaýshy jáne dırektory Alekseı Dral Qazaqstandaǵy kúndelikti ómirinde kezdesetin artyqshylyq pen kemshilikti atady, dep habarlaıdy QazAqparat tilshisi.

«Maǵan shyndyǵynda ІT júıesiniń damyǵany unady. ıAǵnı, Halyqqa qyzmet kórsetý ortalyǵyna kelip, elektrondy tsıfrly qoltańba kiltin alasyz. Onyń kómegimen kóptegen tirligińizdi tyndyra alasyz. Bul - óte tamasha artyqshylyq. Al kemshilikke keler bolsaq, ol – bilimsizdik. ıAǵnı, siz bir dúnıe jasatý úshin atalǵan kiltpen ortalyqqa kelseńiz, mamandar «kiltińizdi berińiz, men jasap bereıin» deıdi. Bul «kiltińizdi berińiz, páterińizdiń terezesin jýyp bereıin» degen sııaqty. Munyń qaýipti ekenin bári birdeı túsine bermeıdi», - dedi ol elordada ótip jatqan І Ortalyq Azııa medıaforýmynda.

Sonymen qatar reseılik elimizde ózine berilgen múmkindikterge toqtalyp ótti.

«Osy jerge kelgennen keıin Astana hab qatysýshysy bolǵanyma, bilim berýde túrli qoldaý baǵdarlamalaryn yqpaldastyrý múmkindigin alǵanyma sheksiz rızashylyǵymdy bildiremin. ıAǵnı, bul - kadr daıyndap shyǵarý úshin tamasha bastama. Bıyl biz sol baǵdarlamanyń qatysýshysy boldyq jáne áriptesterimizdi úlken málimetpen jumys isteýge úıretemiz», - dedi Alekseı Dral.