Reseıden Kenesary hannyń myltyǵyn qaıtarý kerek - professor Zııabek Qabuldınov
Kenesary hannyń basyn qaıtarýda Reseılik ǵalymdardyń kómegi kerektigin aıtty.
Onyń aıtýynsha, Kenesary hannyń basyn qaıtarýǵa qatysty 8 jylǵa jýyq ýaqyt buryn Qazaqstannan ǵalymdar men qoǵam qaıratkerlerinen quralǵan top bul máseleni zerdeledi. Alaıda, osy problema aıaǵyna deıin sheshimin tappady. Olar Reseı aýmaǵyndaǵy murajaılar men muraǵattardyń, tıisti qoımalardyń 78 paıyzyn qarap shyqty.
«Atap aıtqanda, Kenesary hannyń basy qazaq jerine, ıaǵnı Otanyna qaıtarylýy tıis»,-dep toqtalǵan ǵalym, ony Ombydan bastap Sankt-Peterbor, Máskeý, Tashkent qalalarynan izdeý kerektigin atap ótti. Osy oraıda ol dostas Reseı memleketiniń ǵalymdary bul másele boıynsha kómek kórsetetinine senim artty.
Budan bólek, Z. Qabuldınov Ombynyń murajaıynda Kenesary hannyń myltyǵy saqtaýǵa qoıylǵanyn aıta kele, osy tarıhı jádigerdi elge qaıtarý jumystarymen aınalysý kerektigin sóz etti.