Reseıden Qazaqstanǵa kóshken kompanııalarǵa aıryqsha jaǵdaı jasalmaıdy - SІM

ASTANA. QazAqparat – Óndiris oshaǵyn Reseıden Qazaqstanǵa kóshirgen kompanııalarǵa aıryqsha jaǵdaı jasalmaıdy. Bul týraly QR Syrtqy ister mınıstriniń orynbasary Almas Aıdarov aıtty, dep habarlaıdy QazAqparat tilshisi.

«Ýkraınadaǵy áskerı is-qımyl bastalyp, Reseı ekonomıkasyna qatysty sanktsııalar jarııalanǵannan keıin 362 kompanııany anyqtap aldyq. Búginde olar ashyq derekózderinde Reseı naryǵynan ketetinderin ne qyzmetterin qysqartatyndyǵyn jarııalady. 362 kompanııa – bul Reseıde qyzmetin júzege asyrǵan sheteldik kompanııalar olar bizdiń qyzyǵýshylyǵymyzdy oıatty», - dedi mınıstrdiń orynbasary Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, Qazaqstan tarapy osy jyldyń naýryz aıynan bastap Reseıdegi brendterdiń basty keńselerine shyǵyp, óndiris oshaqtaryn elimizge kóshirý usynǵan.

«Birden aıta keteıik, elimizge kóshetin kompanııalarǵa eshqandaı arnaýly jaǵdaı jasalmaıdy. Olar Qazaqstanda qoldanystaǵy jalpy quqyqtyq alańda jumys isteıtin bolady», - dedi Almas Aıdarov.

Foto: ortcom.kz