Reseıden Qazaqstanǵa áýe bıletterine suranys 2,5 esege ósti

MÁSKEÝ. QazAqparat - 2022 jyldyń kókteminde Reseıden Qazaqstanǵa áýe bıletterine suranys ótken jyldyń sáıkes kezeńimen salystyrǵanda 2,5 esege ósken. Bul týraly OneTwoTrip saıahatty josparlaý servısiniń zertteý nátıjelerinde aıtylǵan, dep habarlaıdy QazAqparat reseılik TASS-qa silteme jasap.

«Qyrǵyzstanǵa suranys 25%-ǵa tómendedi, Qazaqstanǵa suranys 2,5 esege artty, Ózbekstanǵa ózgerissiz kúıinde tur, BAÁ 35%-ǵa, Belarýske 2,6 ese artty, Ázirbaıjanǵa 9% kemise, Grýzııaǵa 40%-ǵa kóbeıgen», - dedi sarapshylar.

Kompanııanyń málimetinshe, shet elder arasynda osy kóktemde Armenııa, Túrkııa jáne Tájikstan kóp suranysqa ıe boldy. Bul rette Armenııaǵa ushýǵa degen suranys shamamen 37%-ǵa tómendedi, al Túrkııaǵa ushý 11%-ǵa ósti. Kóktemde shetelge ushýdyń ortasha quny bir adamǵa bir baǵytta 25 myń rýbldi qurady.