Reseıden áli 4-5 jyl boıy elektr qýatyn ımporttaımyz

NUR-SULTAN. QazAqparat – Reseıden elektr qýatyn ımporttaý qashanǵa deıin jalǵasady? QR Energetıka mınıstri Maǵzum Myrzaǵalıevke ortalyq kommýnıkatsııalar qyzmetinde ótken brıfıngide osyndaı suraq qoıyldy, dep habarlaıdy QazAqparat tilshisi.

«Reseıden elektr energııasyn ımporttaýdy josparlap otyrmyz ba degen máselege kelsek, ıá, josparlap otyrmyz. Óıtkeni qajetti kólem kerek. Qazirdiń ózinde Reseı Federatsııasyndaǵy áriptesterimizben kelissóz júrgizip jatyrmyz. Kólemine kelsek, orta eseppen táýliktiń ýaqytyna qaraı 500-1000 MVt kóleminde qubylady dep eseptep otyrmyz. Baǵasy boıynsha kelissóz áli júrip jatyr», - degen mınıstr bul jumys jeke kompanııalardyń kúshimen iske asatynyn eske saldy.

Sondaı-aq, ol elde energetıkalyq balans saqtaý úshin ımport qajet ekenin atady.

«Import qashanǵa deıin jalǵasady? Biz daıyndaǵan energetıkalyq balans boıynsha elektr qýatynyń tapshylyǵy aldaǵy 4-5 jylda saqtalady. Másele energetıka salasynyń aıtarlyqtaı ınnertsııaly sala ekendiginde. ıAǵnı, kez kelgen stansa salý kem degende 4-5 jylǵa sozylady. Osyǵan baılanysty elektr energııasyn taǵy 4-5 jyl ımporttaımyz», -dedi Maǵzum Myrzaǵalıev.