Reseıdegi týrnırde 7 qazaqstandyq boksshy jartylaı fınalǵa shyqty
Bylǵary qolǵap sheberleri on salmaqta synǵa túsedi. Olardyń arasynda qazaqstandyq boksshylar jeti salmaqta fınalǵa shyǵý maqsatynda sharshy alańda saıysqa túsedi.
Qazaqstandyq Danıal Sábıt (49 keli) reseılik Igor Tsaregorodtsevpen, Mahmýd Sabyrjan (52 keli) reseılik Vasılıı Egorovpen, Beknur Ojanov (60 keli) reseılik Maksım Chernyshevpen qolǵap túıistiredi. Al 69 kelide Aslanbek Shymbergenov ózbekstandyq Bobo Ýsman Batýrovpen, 75 kelide Ábilhan Amanqul reseılik Andreı Kovalchýkpen, 81 kelide Bekzat Nurdáýletov reseılik Andreı Kosenkovpen, 91 kelide Aıbek Oralbaı belarýstik Vladıslav Smıaglıkovpen qolǵap túıistiredi.
Aıta keteıik, halyqaralyq týrnırde álemniń 15 elinen 100- ge tarta boksshy keldi. Qazaqstan atynan jarysqa 9 salmaqta 10 bylǵary qolǵap sheberi attandy.