Reseıdegi tikushaq apaty: Qaza tapqandardyń denesi tabyldy

PETROPAVL-KAMChATSKII. TASS – QazAqparat – Reseı qutqarýshylary Kamchatkadaǵy tikushaq apatynan qaza tapqan úsh adamnyń denesin tapty. Ushqyshtyń denesi Kýrıl kólinen alyp shyǵaryldy. Bul týraly QazAqparat TASS-qa silteme jasap habarlaıdy.

«Kýrıl kólindegi izdeý operatsııasyna RF TJM, Qorǵanys mınıstrligi, Kronotsk qoryǵy, Kamchatka ólkesiniń kúshi jumyldyryldy. Ushqyshtyń denesi jaǵaǵa shyǵaryldy, tikushaqtyń bólshekterine jaqyn mańnan taǵy eki adamnyń denesi tabyldy. Jumystar kúndiz jalǵasady», - dep habarlady Kamchatka gýbernatory Vladımır Solodov Telegram-kanalda.

Sý astyna súńgıtin qurylǵynyń kómegimen jaǵalaýdan 110 metr tereńdiktegi 500 metr qashyqtyqtan tikushaqtyń korpýsy tabyldy. Bir táýlikte kóldegi 5 myń sharshy metr, pılotsyz ushý quraldarynyń kómegimen 5 sharshy shaqyrym aýmaq tekserildi.

Eske salaıyq, 12 tamyzda Kamchatkada 13 demalýshy men ekıpajdyń úsh múshesi mingen Mı-8 tikushaǵy qulaǵan bolatyn.