Reseıdegi mobılızatsııaǵa Qazaqstan azamattary shaqyrylyp jatyr ma – SІM jaýap berdi

ASTANA. QazAqparat – QR Syrtqy ister mınıstrliginiń resmı ókili Aıbek Smadııarov Reseıdegi áskerge Qazaqstan azamattaryn shaqyrý jóninde pikir bildirdi, dep habarlaıdy QazAqparat tilshisi.

Buǵan deıin Sankt-Peterborda turatyn Qazaqstan azamaty áskerge shaqyrtý alǵany habarlanǵan edi.

«Ótken aptada Qazaqstan azamattaryna shaqyrý qaǵaz kelip jatqany týraly aqparat boldy. Shyn máninde, bul aralyqta bizge bir ǵana azamatymyz júgingen edi. Bul oqıǵanyń ózi Máskeý qalasynda bolǵan. Sondyqtan, buqaralyq aqparat quraldaryna kelip jatqan túrli habarlamalarǵa senbeýdi suraımyz», - dedi Aıbek Smadııarov mınıstrlikte ótken brıfıngte.

Resmı ókildiń aıtýynsha, mundaı faktiler bolǵan kúnniń ózinde shaqyrtý azamattyqqa ótinish bildirgenderge kelýi múmkin.

«ıAǵnı RF azamattyǵyna qujat tapsyrǵandardyń málimeti derekqordan shyǵýy múmkin, qos azamattyǵy bolyp, biraq Reseı azamattyǵy bar ekenin moıyndamaıtyndar da bar. Osylaısha olar kúrdeli jaǵdaıdan qashý úshin ózderin Qazaqstan azamatymyz dep ataı bastaıdy», - deıdi resmı ókil.