Reseıdegi qazaqstandyqtar saılaýǵa belsendi qatysyp jatyr

MÁSKEÝ. QazAqparat – Reseı aýmaǵynda júrgen otandastarymyz elshilikte uıymdastyrylǵan saılaý ýchaskelerine kelip, belsendi túrde óz tańdaýlaryn jasap jatyr, dep habarlaıdy QazAqparat tilshisi.

Reseıdegi Qazaqstannyń elshiligi janyndaǵy saılaý ýchaskesine Máskeý oblysynyń Dýbna qalasyndaǵy Birikken ıadrolyq zertteýler ınstıtýtynda jumys isteıtin qazaqstandyq ǵalymdar keldi. Instıtýt ujymy saılaýda daýys berý úshin avtobýspen 100 shaqyrym jol júrip ótti.

«Birikken ıadrolyq zertteýler ınstıtýtyndaǵy dıasporada júzge jýyq adam bar. Olar jas ǵalymdar, ortasha jasy 28-de. Parlament - bıliktiń basty tarmaqtarynyń biri. Bizdiń múddelerimizdi qorǵaıtyn zań shyǵarýshy organ. Sondyqtan azamattyq ustanymymyzdy bildirip, daýys berýge keldik», - dedi Birikken ıadrolyq zertteýler ınstıtýtyndaǵy ulttyq toptyń ıjetekshisi, Almaty qalasy ıAdrolyq fızıka ınstıtýtynyń aǵa ǵylymı qyzmetkeri Erjan Muhamedjanov.

«Meniń oıymsha, ádettegideı bári jaqsy ótti. Uıymdastyrý deńgeıi óte joǵary, elshilikke alǵys aıtamyz», - dep tolyqtyrdy aǵa ǵylymı qyzmetker.

Reseı Federatsııasynyń áskerı joǵary oqý oryndarynda oqıtyn qazaqstandyq kýrsanttar elshiliktegi saılaý ýchaskesinde óz tańdaýyn jasady. Olardyń arasynda Reseı Federatsııasy Qorǵanys mınıstrligi Áskerı ýnıversıtetiniń 1 kýrs kýrsanty Roman ıÝzvık bar.

Onyń aıtýynsha, saılaý barlyq qazaqstandyqtar úshin erekshe oqıǵa.

«Elimizdiń bolashaq damýy úshin ár daýys óte mańyzdy. Ózim elshiliktegi saılaý ýchaskesine zor qýanyshpen keldim. Otanymnan jyraq júrsem de bolashaq damý úshin daýys berýge, azamattyq boryshymdy oryndaýǵa keldim», - dedi kýrsant.