Reseıdegi qazaqstandyqtar Májilis saılaýyna qalaı qatysa alady

MÁSKEÝ. QazAqparat - RF-daǵy QR Elshiligi sol eldegi qazaqstandyqtardy saılaýshylar tizimine tirkelý úshin konsýldyq eseke bine turýǵa shaqyrdy, dep habarlaıdy QazAqparat.

Elshiliktiń habarlaýynsha, 2021 jyldyń 10 qańtarynda Qazaqstan Respýblıkasy Parlamentiniń Májilisine saılaý ótedi. Reseıdegi QR azamattary Elshiliktde ashylatyn №265 saılaý ýchaskesinde daýys bere alady.

Saılaý ýchaskesi Máskeý ýaqytymen saǵat 07.00 – 20.00 aralyǵynda jumys isteıdi. Mekenjaıy: Máskeý qalasy, Chıstoprýdnyı býlvar, 3 «A» (QR Elshiliginiń ǵımaraty).

Saılaýshylar tizimine tirkelý úshin RF-daǵy QR Elshiliginiń konsýldyq esebine turýǵa keńes beriledi. Suraqtar týyndaǵan jaǵdaıda jumys kúnderi shuǵyl jeli nómirine [phone] (#1 ishki nómir) habarlasýǵa bolady.

Máskeýden bólek, Qazaqstan Respýblıkasynyń Bas konsýldyqtary janynda ashylatyn saılaý ýchaskelerinde daýys berýge bolady Sankt-Peterbýrg, Qazan, Astrahan, Omby qalalary.

Saılaý ýchaskesine kelgende ózińizben birge QR azamatynyń jeke kýáligi nemese pasporty bolýy kerek. Aǵymdaǵy epıdemıologııalyq ahýaldy eskere otyryp, maskalyq rejım men áleýmettik ara-qashyqtyqty saqtaý qajet.