Reseıdegi Qazaqstan elshiligi Tuńǵysh Prezıdent kúnine oraı qabyldaý uıymdastyrdy
Kelgen qonaqtar arasynda Máskeýdegi qazaqstandyq ardegerler keńesiniń ókilderi, ár kezeńderde respýblıkamyzda Memleket basshysymen birge qyzmet atqarǵan burynǵy partııa jáne memleket qaıratkerleri boldy.
Ardagerler mereke qarsańynda, sondaı-aq, Qazaqstan men Reseı arasyndaǵy dıplomatııalyq baılanysqa 25 jyl tolýyna oraı Elshilik ǵımaratynda ashylǵan ekspozıtsııalyq murajaımen tanysty.
Eki el arasyndaǵy ózara baılanys tarıhyndaǵy mańyzdy sátterden syr shertetin fotosýretter, qazirgi zamanǵy Qazaqstan tarıhy men Reseımen 25 jyldyq dıplomatııalyq baılanysqa tikeleı baılanysty qujattar, muraǵattyq jáne ǵylymı eńbekter, kitaptar men syılyqtar toptamasy jurtshylyq nazaryna usynyldy.
«Elshilikte ashylǵan murajaı joǵary baǵaǵa ıe joba. Bul - Qazaqstannyń jańa múmkindikteri jaıly aıtady. Bári oılastyrylǵan, Qazaqstan halqy, eldiń damýy, Memleket basshysynyń tynbaı etken eńbegi, onyń syrtqy saıası bastamalary, sondaı-aq, ulttyń rýhanı jáne mádenı jańǵrýymen baılanysty qyzmetteri kórsetilgen. Mýzeıdiń Tuńǵysh Prezıdent kúni qarsańynda ashylýy da úlken mańyzǵa ıe», - dedi RJǴA akademııasynyń vıtse-prezıdenti Anatolıı Spıtsyn.
«Biz Nursultan Nazarbaev senimmen aıtqan kóp nársege kúdikpen qaraǵanymyzdy moıyndaımyn. Alaıda ýaqyt ótti, qazir biz jańa Astanany, halyqaralyq isterdegi, ásirese Qazaqstan men Reseı arasyndaǵy ekijaqty baılanystardaǵy jetistikterdi kózimizben kórip otyrmyz. Kóp jerde onyń isterin úlgi etedi. Men munymen kelisemin. Eń basty jetistik - shekaralas eki el arasyndaǵy baılanystaǵy senimdilik pen shynaıylyq», - dedi Máskeýdegi qazaqstandyq ardagerler keńesiniń tóraǵasy Valerıı Temirbaev.