Reseıdegi halyqaralyq týrnırde eki boksshy jartylaı fınalǵa shyqty

NUR-CULTAN. QazAqparat - Reseıde bokstan Sankt-Peterbýrg gýbernatorynyń kýbogynda búgin eki qazaqstandyq jartylaı fınalǵa joldama aldy, dep habarlaıdy QazAqparat tilshisi Qazaqstan boks federatsııasyna silteme jasap.

Alǵashqy joldama 60 keli salmaqta tústi. Qazaqstandyq Beknur Ojanov úndistandyq Varınder Sınghti jeńdi.

Al 69 kelide Aslanbek Shymbergenov taılandtyq Výtıchaı Masýkty tize búktirdi. Osylaısha jartylaı fınal joldamasyna qol jetkizdi.

Halyqaralyq týrnırde búgin 81 keli salmaqta Bekzat Nurdáýletov ózbek boksshysy Dılshod Rýzmetovpen qolǵap túıistiredi.

Aıta keteıik, halyqaralyq týrnırde álemniń 15 elinen 100- ge tarta boksshy keldi. Qazaqstan atynan jarysqa 9 salmaqta 10 bylǵary qolǵap sheberi attandy. Olardyń arasynan 19 sáýirde Zakır Safıýllın 63 kelide qarsylasyna ese jiberip, jarystan shyǵyp qaldy.