Reseıdegi elshilikte qazaqstandyq ardagerlermen kezdesý ótti
Meımandar qatarynda Uly Otan soǵysynyń ardagerleri, burynǵy QazKSR mınıstrlikteri men vedomstvolarynyń basshylary, Qazaqstannyń tanymal memleket jáne qoǵam qaıratkerleri bar.
Saltanatty shara Jeńis jolynda ómirlerin qıǵan jaýyngerlerdi bir mınýt únsizdikpen eske alýdan bastaldy. Ǵ.Orazbaqov óz sózinde elshiliktiń qazaqstandyq jaýyngerlerdiń esimin máńgi este qaldyrý baǵytynda atqarylyp jatqan sharalarǵa toqtaldy. Dıplomatııalyq mıssııanyń basshysy jıynǵa qatysýshylardy elimizdiń merekelik meıramdary - Otan qorǵaýshy kúni jáne aldaǵy Jeńis kúnimen quttyqtady.
«Búgin biz uzaq jyldar boıy Qazaqstanda ómir súrip, eńbek etken, bar kúsh-jigerleri men bilimderin burynǵy Qazaq KSR damýyna, al búgingi tańda Qazaqstan Respýblıkasynyń gúldenýine sarp etken ardagerlermen kezdesip otyrmyz. Sizderdi Qazaqstanda tanıdy, rızashylyqpen eske alyp otyrady», - dedi ol meımandarǵa qarata.
Ardagerler óz sózderinde atalmysh sharalardy uıymdastyrýdyń mańyzdylyǵyna, ásirese keıingi tolqyndy tárbıeleýdegi mánine erekshe toqtaldy.
Saltanatty shara barysynda qazaqstandyq stýdentterden quralǵan shyǵarmashylyq ujymdar Uly Otan soǵysy jyldaryndaǵy ánderdi shyrqady.