Reseıdegi Elshi Marat Tájın Máskeýde Qazaqstannan shyqqan soǵys jáne eńbek ardagerlerimen kezdesti
Qonaq-ardagerlerdiń aldynda sóz sóılegen Marat Tájın qanquıly soǵys jyldarynda búgingi Qazaqstan halqynyń myzǵymas birligi qalyptasqany týraly, sondaı-aq alasapyran zamanda taǵdyr toǵystyrǵan ult ókilderi qazaq jerinde bir otbasynyń balasyndaı baýyrlasa túskenin atap ketti. Osyǵan oraı «biz el basyna túsken zulmat jyldardyń zildeı salmaǵyn biz jan-júregimizben sezinip óstik. Sondyqtan biz adamzat balasyna orny tolmas qaıǵy-qasiret ákelgen sum soǵystyń jer betinde endi qaıtalanbaýyn tileımiz»-dedi Elshi.
Qabyldaý barysynda quttyqtaýlar, soǵys ánderi, áskerı «júz gramm» jáne Uly merekege arnaıy qundy syılyqtar da boldy.
Elshiliktiń keńesshi-ýákili Erık ıAkýbaev Keńes Odaǵynyń Batyry Álııa Moldaǵulova atyndaǵy №402 máskeýlik mektepte saparmen boldy
Bul mektep 1944 jylynyń qantar aıynda Pskov oblysynyń Novosokolnıkı aýlynyń jańynda erlik kórsetken Álııa Moldaǵulovanyń atyn bergen kóshesinde ornalasqan. Mekteptiń ózi Máskeý qalasynyń Vyhıno aýdanyndaǵy eń úzdik jáne táýir bedeli bar orta oqý orny bolyp tabylady. Al onyń oqýshylary pándik jarystar men olımpıadalarda joǵary oryndaryn alýyn dástúrge aınaldyrdy.
Mektepte qazaqtyn qarapaıym 18 jasar mergen-qyzynyń músini ornatylyp, murajaıy ashylǵan.
Quttyqtaý sózinde E.ıAkýbaev Jeńis merekesi shekara men ýaqytqa qaramastan halyqtarymyzdy jaqyndatatyn jáne birneshe urpaqtar úshin ortaq eske alý kúni dep baǵalady.
Sodan soń, Álııa Moldaǵulovanyń músinine gúl shoqtaryn qoıý rásimin bastap, soǵys jáne eńbek ardagerlerimen, mektep muǵalimderimen jáne oqýshylarymen kezdesý ótkizdi.
Qyzý áńgime barysynda elimizdiń dıplomaty mektep ujymyna soǵys batyryn eske saqtaý jumystaryn joǵary deńgeıde júrgizip jatqan úshin zor alǵysyn bildirdi.
Sonymen qatar Uly Jeńistiń 69 jyldyǵyna oraı, Elshiliktiń kenesshi-ýákili Marat Syzdyqovtyń qatysýymen Zelenograd qalasynda ornalasqan Máskeý qorǵaýshysy, Keńes Odaǵynyń Batyry Baýyrjan Momyshuly atyndaǵy №1912 mektepte saltanatty sharalar ótti.
Ustazdar men oqýshylar mektep jylnamasynda attary jazylǵan jaýyngerlerdi eske túsirip qurmetteıdi, Panfılovshy batyr músininiń qasynda mekteptiń mańyzdy sharalaryn ótkizedi.
Mektep ujymymen saltanatty kezdesý barysynda Marat Syzdyqov №1912 mektebiniń pedagogıkalyq quramyna ósip kele jatqan jastardy ortaq ortaq tarıhymyzdy oń kóz qaraspen úıretý jáne jastardy basqa ulttardy qasterleý tárbıesin salyp kele jatqany úshin alǵysyn bildirdi.