Reseıdegi BAQ-ty kim ıelenip otyr: Aldyńǵy qatarly holdıngter
Іri medıaholdıngterdiń ıeleri tiziminde birinshi orynda memleket tur. ıAǵnı, memleket Búkilreseılik memlekettik televızııalyq jáne radıotaratylym kompanııasyn qadaǵalap otyr. Onyń quramyna bes ulttyq telearna, seksennen astam óńirlik jáne bes ulttyq radıostansa kirip otyr. Sonymen qatar Memlekettik múlikti basqarý boıynsha federaldyq agenttigi Reseıdegi eń tanymal úsh telearnanyń biri - «Birinshi arnany» ıemdenýde. Onyń 51 paıyz aktsııasy memlekette bolsa, qalǵan 49 paıyzyn Roman Abramovıchtiń jáne «Ulttyq medıa toptyń» qurylymdary bólip aldy. Munymen qosa, memlekettiń menshiginde «Rossııskaıa gazeta» jáne «Parlamentskaıa gazeta» sekildi eki ulttyq basylym, sondaı-aq 2013 jyldyń sońynda «RIA Novostı» agenttigin, «Golos Rossıı» radıotaratý kompanııasyn jáne Russia Today telekompanııasyn, ITAR-TASS agenttigi men smi.ru. jańalyqtar saıtyn biriktirgen «Rossııa segodnıa» medıaholdıngi bar. Memlekettik qarjy kózderinen halyqaralyq «Mır» telearnasy, sondaı-aq jaqynda qurylǵan «Obşestvennoe televıdenıe Rossıı» qarjylandyrylady. 2013 jylǵy qyrkúıektegi derekter boıynsha, memleket túrli medıalyq jobalarǵa (negizinen telearna men radıo) 2,1 mlrd. dollar jumsady. Aldaǵy jyldary bul shyǵystardy tórtten bir bólikke birte-birte azaıtý kózdelip otyr.
«Gazprom-medıa» holdıngi Bul holdıngti de memlekettiń menshigi dep te aıtýǵa bolady. Sebebi, onyń 100 paıyz aktsııasy reseılik «Gazprom» ulttyq kompanııasynyń qaramaǵynda. «Gazprom-medıa» eki ulttyq telearnany (NTV jáne TNT ), sonymen birge NTV-PLıÝS spýtnıktik arnasyn ıemdenýde. Osy holdıgtiń enshisinde bes radıostansa («Eho Moskvy», «Cıtı-FM»), birqatar gazetter men jýrnaldardy basqaryp otyrǵan «Sem dneı» baspa úıi bar.
«Ulttyq medıa top» «Ulttyq medıa toptyń» (NMG) negizi 2008 jyly qalanyp, ol «Reseı» bankiniń baqylaýyna endi. Atap aıtqanda, ıÝrıı Kovalchýk onyń aktsııalarynyń negizgi ustaýshysy retinde tanymal. Sonymen qatar NMG aktsııalarynyń ıeleri retinde «Cýrgýtneftegaz» energetıkalyq kompanııasy men «Severstal» ındýstrııalyq alpaýyty tirkelip otyr. Onyń shamaly aktsııa paketin Lıýksembýrgte tirkelgen «RTL group» kompanııasy ıelengen. Osy holdıg aktıvteri arasynda «Birinshi arnanyń» 25 paıyz aktsııasy, sondaı-aq «Besinshi arna» men «REN TV» telearnasynyń baqylaýshy aktsııa paketteri qamtylǵan. Tizimdi «Rýsskaıa slýjba novosteı» (RSN) radıo stansasy men «Izvestııa» ulttyq gazeti jalǵastyryp otyr. NMG-niń negizgi aktsıonerleriniń qaramaǵynda munymen qosa Reseıde, TMD-da jáne Shyǵys Eýropadaǵy iri medıa jarnama naryǵyndaǵy Interneshnl operatory da bar.
Ýsmanovtyń medıa ımperııasy Reseıdegi eń dáýletti bıznesmen Alısher Ýsmanovtyń ıeleginde «Mail.ru Group» ınternet-holdıngi bar. Onyń negizgi aktsıoneri retinde ońtústikafrıkalyq Naspers (31,7%) jáne Alısher Ýsmanov qadaǵalap otyrǵan New Media Technologies (17,9%) kompanııasy bolyp tabylady. Atap aıtqanda, NMT tarapy «Mail.ru Group» kompanııasynyń daýys beretin aktsııalarynyń jartysynan astamyn ıelengendikten, Ýsmanovty osy medıaholdıngtiń ıesi dese de bolady. Buǵan qosa mıllıarderdiń qaramaǵynda «Kommersant» baspa úıi men gazeti, «Dengı», «Vlast», «Ogonek», «Weekend», «Sekret fırmy» jáne basqa da jýrnaldar qamtylǵan. Sonymen qatar Ýsmanov MýzTV arnasy men «ıÝ» jastar arnasy jáne birqatar óńirlik BAQ kiretin «ıÝTV» medıaholdınginiń úlesin basqarýda. «ıÝTV» enshisinde «Disney» telearnasynyń oryssha nusqasynyń baqylaýshy aktsııalar paketi bar. «AF Telekom» arqyly Ýsmanov «Megafon» uıaly operatorynyń 31 paıyz aktsııasyna, DST ınvestıtsııalyq qory arqyly Facebook, Groupon jáne Zynga úlesterine ıelik etedi. Potanın jáne Mamýt «ProfMedıa» holdıngi Vladımır Potanınniń «Interros» ınvestıtsııalyq alpaýytyna qarasty. Telearna álemindegi holdıngtiń avtıvteri arasynda - TV3, «Pıatnıtsa» jáne «2h2», al radıo segmentinde - «Avtoradıo», Energy, «ıÝmor FM» men «Radıo Romantıka» bar. 2013 jyldyń naýryzynda «ProfMedıa» qaramaǵynda bolǵan lenta.ru tanymal jańalyqtar resýrsy taǵy bir reseılik mýltımıllıoner Aleksandar Mamýttyń basqarýyna ótti. Osy arqyly «Lenta.rý» resýrsy «Afısha-Rambler-SUP» atty jańa birikken medıaımperııanyń bóligi boldy. «Lenta», «Rambler» jáne «Afıshıdan» bólek, onyń quramyna gazeta.ru, livejournal.com. sekildi ınternet BAQ engen.
Prohorov jáne basqalar Mıhaıl Prohorovtyń «Oneksım» toby RBK medıatobynyń, sondaı-aq «Snob» jýrnaly men portalynyń baqylaýshy paketin ıemdenip otyr. Sońǵy jyldary onyń quramyndaǵy medıa aktıvterdiń tizimi birte-birte azaıǵandyǵy habarlanǵan edi. Alaıda, M.Prohorovtyń qolyna «Vedomostı» gazeti ótetin bolsa, bul jaǵdaı endi ózgerýi múmkin.
Sońǵy kezderi máskeýlik ákimshiliktiń birneshe resýrstaryn biriktiretin «Moskva-medıa» holdıngi ózin tanyta bastady. Onyń quramynda búginde «Moskva 24» jáne «Moskva Doverıe» telearnalary, «Moskva FM», «Govorıt Moskva» radıostansalary, «Vechernıaıa Moskva» gazeti men «m24.ru» jańalyqtar portaly qamtylǵan.