Reseıdegi áskerı oqý ornynda Talǵat Bıgeldınov atyndaǵy dárishana ashyldy

NUR-SULTAN. QazAqparat - Voronej qalasyndaǵy Áskerı-áýe akademııasynyń komandalyqfakýltetinde jáne avıatsııanyń jaýyngerlik is-qımyldaryn qamtamasyz etý fakýltetinde oqıtyn qazaqstandyq áskerı qyzmetshiler – magıstratýra tyńdaýshylarynyń kúshimen aty ańyzǵa aınalǵan ushqysh, eki márte Keńes Odaǵynyń Batyry, avıatsııa general-maıory Talǵat Bıgeldınov atyndaǵy dárishana ashyldy. Bul týraly QazAqparat QR Qorǵanys mınıstrliginiń baspasóz qyzmetine silteme jasap.

Dárishanany qurý ıdeıasyn oqý ornynyń basshylyǵy qoldady. Akademııa bastyǵynyń áskerı-saıası jumys jónindegi orynbasary polkovnık Andreı Eremın Uly Otan soǵysyndaǵy Jeńiske qol jetkizýde qazaqstandyq jaýyngerlerdiń orasan zor úles qosqanyn atap ótti.

Magıstratýra tyńdaýshylarynyń atynan sóz sóılegen podpolkovnık Baqytjan Úsibálıev dańqty ushqyshtyń ómiri men erlikteri týraly derekter aıtty.

Almaty qalasynyń Ortalyq memlekettik arhıvinen dárishanaǵa arnalǵan eksponattar, atap aıtqanda Talǵat Bıgeldınovtiń memlekettik nagradalaryn qosa alǵanda, onyń jeke zattary, Il-2 ushaǵynyń maketi, «Altyn juldyz» medaldary men nagradtaý qujattarynyń kóshirmeleri, arhıvtik fotosýretteri berildi.

Dańqty ushqyshtyń týǵan kúninde Aqtóbe qalasyndaǵy Áýe qorǵanysy kúshteriniń áskerı ınstıtýtynda eske alý is-sharalary bolyp ótti.

Áskerı qyzmetshiler eki márte Keńes Odaǵynyń Batyry Talǵat Bıgeldınovtiń músinine gúl shoǵy salynǵan sebetter qoıdy.