Reseıdegi ahýal Qazaqstanǵa ınvestıtsııa tartýǵa qosymsha múmkindik týyndatty- SІM

ASTANA. QazAqparat – Jyl aıaǵyna deıin 50-den astam joba sheteldik ınvestıtsııanyń esebinen qolǵa alynady. Syrtqy ister mınıstriniń orynbasary Almas Aıdarov Astanada ótip jatqan ınvestıtsııalyq forým kýlýarynda osyndaı derek keltirdi, dep habarlaıdy QazAqparat tilshisi.

«Biz elge syrttan ınvestıtsııa tartý úshin jyl saıyn 1,5 jańa kompanııamen jumys júrgizemiz. Olardyń ishinde usynystarymyzǵa qyzyǵýshylyq birdirgender 200-deı boldy. Osy 200 kompanııanyń ishinen oblystarǵa kelip, aqsha salýǵa ynta bildirgenderi 40-50-ge jaqyndaıdy. Bul – kúndelikti jumys, sondyqtan toqtamaıdy. Meniń oıymsha, osy jyldyń ózinde shamamen 25-27 mlrd dollarǵa jýyq ınvestıtsııa tartylady. ıAǵnı, jyldyń aıaǵyna 50-60-taı jańa joba qolǵa alynady», - dedi vıtse-mınıstr.

Almas Aıdarovtyń sózine qaraǵanda, Reseıdegi ahýal Qazaqstanǵa ınvestıtsııa tartýǵa qosymsha múmkindik týǵyzýda.

«Qazir ınvestorlardyń geografııasy qubylyp tur. Buryn reseılikter kóp bolatyn. Reseı Federatsııasyna salynǵan sanktsııalarǵa baılanysty buryn naryǵy shaǵyn bolǵandyqtan Qazaqstandy tańdaı almaǵan kóptegen kompanııalar Eýrazııa aýmaǵyndaǵy qyzmetin saqtap qalý úshin bizge baǵyttalýǵa májbúr. Nemese qazaqstandyq zaýyttardyń qýatyn ulǵaıtýǵa aqsha salýǵa nıettiler bar. Mundaı kezdegi bizdiń mindetimiz osy aýmaqtaǵy «turaqtylyq araly» bolyp qala alǵanymyzdy kórsetý. Eldiń ishi men syrtyndaǵy jaǵdaılar, Prezıdent aıtqan jańashyldyqtar men reformalar ınvestıtsııalyq klımatqa eshqandaı keri áser etpeıtinin kórsetýimiz kerek», - dedi SІM ókili.